Var á staðnum

Þakka ber hlý orð í garð okkar björgunarsveitamanna.

Það er varla hægt að ætlast til þess að hinn almenni vélsleðamaður sé með allan þann búnað á sleð sem þarf til þess að síga í sprungur, en það á að vera hægt að ætlast til þess að fólk sé vel klætt með GPS, hjálma og það annað sem sjálfsagt er þegar farið er í sleða ferðalag.

Þarna sem þetta óhapp varð hefði ekki nokkrum manni sem til þekkir dottið í hug að fara á sleða, og vonandi verður þetta atvik til að menn fari varlegar í framtíðinni.

En þótt vítin eigi að vera til varnaðar virðast þau gleymast, því miður.

Jafnvel þótt veður sé gott þurfa þeir sem á jöklum ferðast að vera við öllu búnir.

Þetta verkefni leystist vel , menn stukku jafnvel úr heyskap til að verða að liði og einginn telur það eftir, en þrátt fyrir það verður að gera þá kröfu til manna að  fyllsta öryggis sé gætt  þegar farið er í svona ferðalög.

oft heyrir maður sagt "  við ætluðum ekki svo langt aðeins leika okkur hér í jaðrinum" en vélsleðar eru fljótir í ferðum og fyrr en varir eru menn komnir fleiri kílómetra , jafnvel um hásumar og jafnvel þótt spáð´sé goðu veðri er ekkert öruggt í þeim efnum.

En það sem máli skiptir er að drengnum var bjargað og honum verður vonandi ekki meint af þessu, en lærir vonandi sína lexíu svo og frændi hans sem lánaði honum sleðan á jafn hættulegu svæði og hér var um að ræða. Ekki var talið óhætt að nálgast sleðann sem hann var á enda ekki hlutverk björgunarsveita  að setja menn og tæki í hættu við björgun veraldlegra verðmæta,það er sér aðgerð verði þess óskað og þá verður það skoðað.

'Eg vil taka fram að ættingjar drengsins og þeir sem voru með í ferð hafa haft samband við mig og komið í heimsókn nú í dag til að koma til skila þakklæti á pesónulegan hátt þökkum og útskýringum á aðdraganda  óhappsins sem og viðbrögðum eftir það. það er ekki algengt að  við sem erum í eldlínunni fáum svona heimsóknir, og það ber að þakka.

Mér er ljóst að  eftir að hafa rætt við þann sem var með drengnum að sú röð atvika sem við öll getum lent í var ástæða þess hvernig fór og verum minnug þess að slíkt getur hent alla.

Til þess eru björgunarsveitir að koma til hjálpar þegar þær aðstæður skapast sem fólk ræður ekki við, því er okkur nauðsynlegur stuðningur við starf okkar, sem hefur verið góður og ekki síður skilningur á mikilvægi þess að hafa vel búið björgunarlið til staðar sem næst þeim jöklum sem mest er ferðast um.

Það eru svona bjarganir sem  eru okkar laun fyrir starfið. og það sem skiptir mestu máli er að drengnum heilsast vel, hann þarf að fara í smá aðgerð , en sé litið til aðstæðna þá verður hann að teljast mjög lánsamur , og vonandi nær hann sér að fullu.

 

Dreng bjargað úr jökulsprungu