Vinstri GRÆNIR á flótta.

Það er deginum ljósara að Steingrímur og hans fylgifiskar eru á stöðugum flótta frá öllum sínum stefnumálum.

Fyrst var það umsóknin að ESB, sem reyndar var ekki alveg samstaða um , en sannið til að það er eitt af því sem nú var samið um að látið yrði af andófi.

Þá eru það herþoturnar nú er hann búinn að láta af andstöðu þar og Ögmundur á að koma því verkefni á koppinn.

Ekki þarf síðan að minna á viðsnúning Steingríms um Icesave, hann er orðinn óþekkjanlegur að flestu leiti, áður fyrr var oft gaman að hlusta á hann nú minnir hann helst á hross sem er sokkið í keldu búinn að gefa allt frá sér og farinn að naga það sem hann nær til á bökkum keldunar.

Annars um þessar breytingar þá held ég að littlu breyti hver fer með hvaða ráðuneyti flokkslínurnar ráða , þannig er það hjá Samfylkingunni og álitamál hvort  stefna þeirra yfirtekur ekki einnig  stefnu Vinstri GRÆNNA eins og dæmin sanna í svo mörgum málum.